Жаңалықтар 02.09.2019 сағат 21:44

Ақтөбеде 2 қыз тәрбиелеп отырған жалғызбасты әке баспаналы болды

Ақтөбе хром қосындылары зауытында жұмыс істейтін жалғызбасты әке сегіз жыл бойы пәтер жағалап жүрген.
Ақтөбеде 2 қыз тәрбиелеп отырған жалғызбасты әке баспаналы болды
Бөлісу
Бөлісу
Бөлісу

Екі қызды тәрбиелеп отырған Ықылас Қозбақов екі бөлмелі пәтерге ие болды, деп хабарлайды Aktobenews.kz.

Ақтөбе хром қосындылары зауытында жұмыс істейтін жалғызбасты әке сегіз жыл бойы пәтер жағалап жүрген. 2016 жылдан бері жалғызбасты әке ретінде қолжетімді баспана алу кезегінде тұрған. Өзі де Тұрғын үй құрылыс жинақ банкінің шотына ай сайын қаражат салып, 460 мың теңге жинаған.

«Бақытты отбасы» бағдарламасына қатысуға өтініш берген Ықылас Қозбақов өз қуанышын жасырмады. Оның алғашқы жарнаға сомасы жетпесе де, әкімдік 665 мың теңгеге тұрғын үй сертификатын беріп, пәтер алуға көмек берген.

«Осындай көмек бергендері үшін барлығына алғысым шексіз. 19 жылға несие алып, енді ай сайын 36 мың теңгеден төлеп тұрамын», — деді Ықылас Қозбақов.

Бұдан басқа, Конституция күніне орай, тағы 36 отбасы Ықылас секілді баспаналы болды. Пәтер кілттерін облыс әкімі Оңдасын Оразалиннің өзі табыстады.

Айта кетейік, «Бақытты отбасы» бағдрламасына көпбалалы және толық емес отбасылар мен мүмкіндігі шектеулі балаларды тәрбиелеп отырған отбасылар қатыса алады. Несие Тұрғын үй құрылыс жинақ банкі арқылы жылдық 2% мөлшерлемемен беріледі.

Оқи отырыңыз

загрузка...

Соңғы жаңалықтар

Қызықты материалдар