$ 449.58  486.94  4.86

Astana Hub IT-стартаптарды дамыту бағдарламасына қатысушыларды қабылдайды

Акселераттау бағдарламасының негізгі мақсаты - стартап иелеріне өз бизнестерін кеңейтуге, жобаны дамытуға инвестиция мен клиенттер тартуға көмектесу.

Astana Hub халықаралық технопаркі IT-стартаптарды дамыту үшін Қазақстандағы жалғыз акселераттау бағдарламасына қатысуға өтінімдердерді қабылдау басталғанын хабарлайды.

Акселераттау бағдарламасының негізгі мақсаты - стартап иелеріне өз бизнестерін кеңейтуге, жобаны дамытуға инвестиция мен клиенттер тартуға көмектесу. Бағдарлама барысында әр жобаға жеке трекер тағайындалады, ол стартапқа гипотезаларды қалыптастыруға, іс-шаралар жоспарын жасауға және компанияның бизнес-процестерін құруға көмектеседі.

Ұйымдастырушылардың айтуынша, бағдарлама бастау алысымен, стартаптар үшін кәсіби сарапшылар әр жобадағы бизнес-идеяның өміршеңдігіне, оның технологиялық, экономикалық және маркетингтік негізіне диагностика жасайды. Бағдарлама 3 ай бойы жұмыс істейді.

Astana Hub баспасөз қызметінің хабарлауынша, осы уақытқа дейін 78 стартап акселераттау бағдарламасынан өткен. Ал стартаптар тартқан инвестиция көлемі 1 миллиардтан астам теңгені құрайды.

Осылайша, акселераттау бағдарламасының тек төртінші легіне қатысушылар 47 миллион теңгеден астам инвестиция тартып, 149 жұмыс орны ашылды.

Бағдарламаға қатысу үшін http://astanahubstartups.tilda.ws/accelerator сайтында өтініш қалдыру қажет. Әрбір лекке стартаптардың шектеулі саны қабылданады.
 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары