Жаңалықтар 23.09.2019 сағат 22:14

ШҚО елордада өтетін жәрмеңкеге 45 тонна ет әкеледі

Жәрмеңкеге Шығыс Қазақстан облысынан 15 аудан мен екі қала қатысады.
ШҚО елордада өтетін жәрмеңкеге 45 тонна ет әкеледі
Бөлісу
Бөлісу
Бөлісу

Шығыс Қазақстан облысының ауыл шаруашылығы жәрмеңкесі 28-29 қыркүйек күндері Нұр-Сұлтан қаласындағы «Хан шатыр» (Тұран және Д.Қонаев көшелерінің қиылысы) сауда орталығының жанында өтеді.

Жәрмеңкеге Шығыс Қазақстан облысынан 15 аудан мен екі қала қатысады. Онда 15-тен астам өнім ұсынылады.

Жәрмеңкеде құны 224,7 миллион теңге тұратын 310 тонна ауыл шаруашылығы өнімдері ұсынылады.

«Нұр-Сұлтан қаласының тұрғындарына 60 тоннадан астам бал, 5 тонна шұжық, 15 тонна сүт өнімдері, 5 тонна балық, 45 тонна жылқы еті, 10 тонна қымыз бен ұлттық бұйымдар, панты өнімдері, 150 тонна картоп пен басқа азық-түліктер ұсынылады», - делінген хабарламада.

Жәрмеңкеде ұсынылатын барлық өнім санитарлық-ветеринарлық талаптарға сәйкес келетінін дәлелдейтін құжаттар болады.

Ауыл шаруашылығы өнімдері арзан бағамен саудаланады. Концерттік бағдарлама болады. 

Жәрмеңке екі күн бойы сағат 9.00-18.00 аралығында өтеді.

Дереккөз: BAQ.KZ

Оқи отырыңыз

загрузка...

Соңғы жаңалықтар

Қызықты материалдар