Павлодар ауылының мектебінде 6 бала асханада уланып қалды, деп хабарлайды pavlodarnews.kz. Бұл туралы облыстық білім беру басқармасының басшысы Дінислам Болатханұлы өзінің facebook әлеуметтік желісіндегі парақшасында жазды.
"Жағдай жеке бақылауымда. Оқиғаның мән-жайы анықталатын болады»,- деп жазды Дінислам Болатханұлы.
Қазіргі таңда мектепте Павлодар қалалық білім беру бөлімінің және қоғамдық денсаулықты бақылау органының өкілдері жұмыс жасап жатыр.
Болатханұлы осы орайда балалардың ата-анасынан кешірім сұрады.
"Болған жағдайға қатысты жауапкершілікті сезініп, денсаулықтарына қауіп төнген балалардың ата-анасынан кешірім сұраймын. Қазір 5 бала емханада, б1-еуі үйінде ем қабылдап жатыр. Олардың жағдайы қанағаттандырарлық. Олардың тез жазылып кетуін тілейміз»,- деп атап өтті ол.
Шешім санэпидемиологтардың ресми қорытындысынан кейін шығады.