Батысқазақстандық Бақыт Ерасыл Ташкент қаласында жасөспірімдер арасында самбодан өтіп әлем чемпионатында жеңімпаз атанды, деп хабарлайды ҚазАқпарат.
Бақыт 52 кг салмақта қарсыластарының бәрін тізе бүктіріп, үздік шықты.
Бапкері Бірлес Есенғалиев жаттықтыратын Б.Ерасыл - Жаңақала ауданының түлегі. Бұдан бұрын да айтулы додаларда жүлде алып жүрген, болашағынан үлкен үміт күттіретін жас самбошы.
Айта кетсек, Бақыттың алғашқы бапкері - Ернар Ғұбайдоллин болған.