Каратэ турнирі кезінде төрешілер мен бапкерлер жаппай төбелесті (ВИДЕО)

Елірген еркектерді ішкі істер органдарының қызметкерлері әрең ажыратты, төбелескен төреші мен бапкерлер жұмыстан қуылды. Өзбекстанның астанасында каратэден турнир өтіп жатқанда төрешілер мен бапкерлер арасында жаппай төбелес болды, деп хабарлайды Sputnik Өзбекстан-ға сілтеме жасап sputniknews.kz.

Оқиғаның видеосы Xabar арнасының YouTube арнасында жарияланды.

Басылымның мәліметінше, бұл 16 қазанда болған, тараптарды құқық қорғау органдарының қызметкерлері ажыратты.

Өзбекстанның дене шынықтыру және спорт министрлігінің хабарлауынша, төбелестен кейін дереу қызметтік тексеріс жүргізілген. Жанжалдасып қалған  төреші мен бапкерлер қызметінен босатылды.

«Төбелес салдарынан ешкім зардап шекпеді, дегенмен тәртіптік шаралар қолданылды», - делінген хабарламада.

Нәтижесінде, Өзбекстан каратэ федерациясының төрешісі Буриев екі жылға шеттетілді, «Каратэден чемпион» спорт клубының бапкері Юсупов та осындай жазаға тартылды. Ал оның Сурхандария облысынан келген әріптесіне қатаңдау жаза кесілді – ол үш жыл ішінде бұрынғы қызметін атқара алмайды.