«Кек аламын»: әйелі көзіне шөп салған күйеуінен кезінде берген бауырын қайтаруын талап етті (ВИДЕО)

Түркияда 6 ай өмірі қалған күйеуіне бауырын берген Мелике Өзмен бауырын кері қайтаруды талап етті. Бұған жолдасы Экрем Өзменнің 17 жастағы қызбен көңіл қосқаны себеп болған.

"аtv" арнасынан шығатын Мүге Анлының бағдарламасында Мелике 2 баласының әкесінен кек алғысы келетінін айтты. Экрем болса, кезінде әйелінен бауыр алғанына өкінетінін жеткзіді. "Ажыраспаймын. Кек аламын" деді Мелике өз сөзінде.

Экрем жас қызбен бір жерде жұмыс істейтін боп шықты. Бойжеткен тіпті өзінің жүкті екенін де жайып салды. Сондай-ақ ол Экремге өз бауырын бере алатынын да айтты.