$ 441.66 € 475.14 ₽ 4.86
Қарағандыда облыстық "Мың бала" байқауының жеңімпаздары анықталды. Қорытынды шығару және марапаттау рәсімі Достық үйінде өтті.
Байқау Қазақстан халқы Ассамблеясының "Мың бала" республикалық жобасы аясында өткізіледі. Оның басты мақсаты - мемлекеттік тілді насихаттау және қазақ мәдениетін тану болып табылады. Қатысушылар арасында оқытушылар, оқушылар мен студенттер, этномәдени бірлестіктердің өкілдері бар. Байқауға қатысушылар 4 номинация бойынша сайысқа түсті.
Қазылар алқасының шешімімен келесідей жеңімпаздар анықталды:
"Тіл мектебі" номинациясы бойынша Жамбыл атындағы ММИ қазақ тілі және әдебиет пәнінің мұғалімі Шәрипа Қапашева;
"Асыл сөз" номинациясы бойынша - Виолетта Головастая, Шахтер кенті К. Шайменов атындағы ОМ 9 сынып оқушысы;
"Sende a kirpish dúnіege ..." - Жанна Сеченева, Ә. Бөкейханов атындағы мектеп-лицейінің 9 сынып оқушысы (Шахтинск);
"Ózіm týraly" номинациясында - Карина Пантузенко, № 93 гимназияның 8 сынып оқушысы.
"Мың бала" республикалық мәдени-ағартушылық жобасы әр түрлі ұлттардың балалары мен жастарына мемлекеттік тілді үйренуге, қазақ тілі мен мәдени ортасына шығуға, салт-дәстүрлер мен әдет-ғұрыптарды білуге мүмкіндік береді. Жоба қатысушылары қазақ тіліндегі фильмдер мен мультфильмдерді қарайды, шығармашылық жобаларды қорғайды, театрландырылған қойылымдар қояды, байқаулар мен жарыстарға қатысады.
