12 қарашада өтетін іс-шаралар тізімі жарияланды

Нұр-Сұлтан мен Алматы қалаларында 12 қараша күні өтетін маңызды шаралар аңдатпасы. 

НҰР-СҰЛТАН 

9.00-де «Үкімет үйінде» Үкімет отырысы басталады. Күн тәртібінде: 2019 жылдың қаңтар-қазан айларындағы әлеуметтік-экономикалық даму қорытындылары және республикалық бюджеттің атқарылуы. 

9.00-де «Hilton Astana» қонақүйінде қазақстандық кәсіпорындардың ЭЫДҰ GLP зертханалық практика стандарттарына көшуі жөнінде семинар-кеңес өтеді. 

9.30-да ЭКСПО Конгресс-орталығында ҚР Цифрлық даму, инновациялар және аэроғарыш өнеркәсібі министрлігінің ұйымдастыруымен «Байқоңыр – әлемдік ғарыш бесігі» атты халықаралық форум басталады. 

9.30-да Гранд Парк Есіл қонақүйінде ҚР Орталық сайлау комиссиясы ЕҚЫҰ Нұр-Сұлтан қаласындағы бағдарламалар офисімен бірлесіп «Ұлттық сайлау заңнамасы мен Халықаралық сайлау стандарттарын сақтаудағы халықаралық бақылау институтының рөлі» атты семинар-тренинг ұйымдастырады. 

10.00-де «Назарбаев орталығында» аймақтағы геосаясат пен қауіпсіздік мәселелерін талқылауға арналған «Астана клубының» бесінші отырысы өтеді. 

10.00-де «Комфорт Отель Астана» қонақүйінде ІІІ Имамдар форумы өтеді. 

10.00-де Rixos President Astana қонақүйінде «Қазақстан этностары: еліміздің дамуына қосқан үлестері. Біз біргеміз» атты республикалық ғылыми-практикалық конференция басталады. 

11.00-де Нұр-Сұлтан қаласының Мемлекеттік архивінде Ұлттық валюта және Қаржыгерлер күніне арналған «Теңге тәуелсіздік символы» көрмесі ашылады. 

12.20-да ҚР Президенті жанындағы Орталық коммуникациялар қызметінің алаңында Батыс Қазақстан облысының әлеуметтік-экономикалық дамуы туралы баспасөз мәслихаты өтеді. 

15.00-де ҚР Үкіметінің баспасөз орталығында «Автожолдар салу мен қайта жөндеу» тақырыбында баспасөз мәслихаты ұйымдастырылады. 

17.00-де Назарбаев Университетінде «Қазақстандағы саяси коммуникация бойынша оқу құралы» кітабы таныстырылады. 

18.30-де Ritz-Carlton қонақүйінде Халықаралық валюта қоры Қазақстанмен 2019 жылғы консультацияларының аяқталуы туралы баспасөз мәслихатын өткізеді. 

18.30-да Бейбітшілік және келісім сарайында Юлия Москаленконың «VIVA ARTE MIDA» атты жеке көрмесі ашылады. 

АЛМАТЫ 

9.30-да «Shera Park Inn» қонақүйінде «Бақытты отбасы» жанұялық соттарда отбасылық қолдау орталықтарын ашу» әлеуметтік жобасының қорытындысына арналған дөңгелек үстел өтеді. 

10.00-де Қазақ бас сәулет-құрылыс академиясында «Сәулет және құрылыс», «Дизайн» секцияларын даярлау бағытында ҚР Білім және ғылым министрлігінің Республикалық оқу-әдістемелік кеңесі Оқу-әдістемелік бірлестігінің отырысы өтеді. 

14.30-да Қазақстан Баспасөз клубында «Шілік фермерлері» жобасының бес жылдығына арналған баспасөз мәслихатында спикерлер өз тәжірибелерімен, маңызды оқиғалармен және жоба нәтижелерімен бөліседі.

Дереккөз: ҚазАқпарат