$ 446.49 € 475.38 ₽ 4.79
Көкшетау қаласында жоғалып кеткен 16 жастағы студент «Нұр-Сұлтандағы» кафелерінің бірінен табылды. Қыз мас болғандықтан үйге оралудан бас тартты, деп хабарлайды Stan.kz ақпарат агенттігі.
Жоғалған қызды табу үшін полиция ондаған адамнан - оқушының достары мен туыстарынан жауап алды. Көкшетау тұрғынының фотосымен бағдарлар Ақмола және көршілес облыстардың барлық аумақтық полиция бөлімшелеріне, сондай-ақ Нұр-Сұлтанға түсті.
«16 жастағы Расула Жанашева 15 қараша күні кешке елордалық кафелерден табылды. Қыз мас күйінде болды және үйге оралудан бас тартты. Қазіргі уақытта кәмелетке толмаған бала әкесінің бақылауында», - деді Ақмола облыстық ДП баспасөз қызметі.
Еске салайық, Көкшетау колледжінің студенті 12 қарашада жоғалып кетт. Ол анасына Зеренді ауылына әкесіне баратынын айтты, бірақ содан кейін ол байланысқа түспеді. Анасы келесі күні полицияға жүгінді.
