Шымкентте дәрігердің қамалуына байланысты төрт операция тоқтатылды

Операция жасауға екі хирургтың ғана рұқсаты болды: олардың бірі бірнеше ай бұрын қайтыс болған, ал екіншісі қазір қамауда отыр. Дәрігер Абылай Донбайдың қамауға алынуына байланысты Шымкентте төрт бүйрек алмастыру операциясы тоқтатылды, деп хабарлайды Today.kz порталы vera.kz-ке сілтеме жасап.

Қалалық денсаулық сақтау басқармасының хабарлауынша, туыс донорлардан трансплантация жасау жоспарланған. Енді бұл операцияларды қалай және кімнің жүргізетіні белгісіз. Бұған шымкенттік екі хирургтың ғана рұқсаты бар: олардың бірі бірнеше ай бұрын қайтыс болған, ал екіншісі қазір тергеу изоляторында отыр.

"Шымкенттің тауарлар мен көрсетілетін қызметтердің сапасы мен қауіпсіздігін бақылау  департаменті ағзалар мен кездемелердің трансплантациясын жасауға рұқсат беретін қорытындыны Донбай мен Бигалиевке ғана шығарған. Өзге дәрігерлерде мұндай тұжырым жоқ. Егер операция жасайтын хирургтың қорытындысы болмаса, онда оның әрекеті белгілі бір қызметке қорытынды немесе лицензисыз манипуляцтяларға теңестіріледі", - деп түсіндірді ведомствода.

Еске салайық, Шымкент қаласының №1 қалалық клиникалық ауруханасының бас дәрігері Абылай Донбай бір күн бұрын тергеу изоляторына отырғызылған болатын. Қазақстанның ішкі істер министрлігі трансплантологтың ҚР Қылмыстық кодексінің "Трансұлттық қылмыстық топқа қатысу" және "Адам ағзаларын заңсыз алып тастау" баптары бойынша қылмыстар жасады деген күдікке ілінгенін хабарлады.

Маусым айында Украина Ұлттық полициясы басшысының орынбасары Вячеслав Аброскин Украина азаматтарының Қазақстанда мүшелерін сатқанын айтқан. Заңсыз операциялардың 20 жағдайы анықталды.