$ 449.58  486.94  4.86

БҚО: Әкімдік қызметкері көшеде төбелес шығарды (ВИДЕО)

Бөрлі ауданы әкімдігінің өкілдері төбелес шығарушылардың бірінің осыған дейін әкімдікте заңгер болып жұмыс істегенін айтты.

Әлеуметтік желілерде екі ер адамның төбелесі түсірілген видео тарап жатыр, деп жазады jasqazaq.kz.

Видеода төбелеске тағы бір ер адамның қосылғаны байқалады. Видеоға қалдырылған пікірлердің бірінде үшінші ер адамның әкімдікте жұмыс істейтіні айтылған. Нәтижесінде, оның расында да әкімдік қызметкері екені расталды. Бөрлі ауданы әкімдігінің өкілдері төбелес шығарушылардың бірінің осыған дейін әкімдікте заңгер болып жұмыс істегенін айтты. 

«Төбелес 24 қарашада болған. 22 қарашада Бөрлі ауданы әкімдігінің заңгері өз еркімен жұмыстан шықты. Жұмыстан кететіні жайлы өтінішті қазанда жазған болатын. Қалған ер адамдардың әкімдікке қатысы жоқ», — деді БҚО Бөрлі ауданы әкімдігі аппаратының басшысы Мұхтар Нұрмақов. 

Полициядағылар да осы жағдайға қатысты пікір білдірді. 

«Төбелес шығарғандар анықталды. Олардың барлығы — Ақсай қаласының тұрғындары. Екеуі 26 жаста, ал біреуі 24-те. Біреуінің травматикалық пунктке барғаны анықталды. Кейінірек үйіне жіберілді. Оған ҚР Әкімшілік құқық бұзушылық туралы кодекстің 434-бабы бойынша әкімшілік хаттама толтырылды», - деп хабарлады БҚО Полиция департаментінің баспасөз қызметіндегілер. 

Құқық қорғау органдарының өкілдері төбелестегі басқа ер адамдардың әкімшілік жауапкершілікке тартылғанын айтты.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары