Головкинмен жұдырықтасу үшін 27 нокауты бар чемпион WBO белбеуінен бас тартты

23 жастағы мексикалық Хайме Мунгия (34-0, 27 KO) және 35 жастағы ирландиялық Гэри "Спайк" О"Салливан (30-3, 21 KO) Сан-Антониода өткен баспасөз мәслихатында бетпе-бет кездесті, деп хабарлайды Vesti.kz.

Осы қалада 11 қаңтарда боксшылар орта салмақта жұдырықтасады. Бұл мексикалық үшін өзге дивизиондағы алғашқы жекпе-жегі. Бұл үшін ол бірінші орта салмақтағы WBO белбеуін босатты. 

"Орта салмаққа өһткеніме қуаныштымын. Мұнда әлемнің ең мықты боксшыларының бірі өнер көрсетеді дейді. Гэри О"Салливан сияқты мықты қарсыласпен жұдырықтасуым керек. Егер үлкен жекпе-жектер қаласам, мұндайға лайық екенімді осы жігітпен кездесуде көрсетуім керек. Сондықтан рейтингте көтерілу үшн барынша тамаша өнер көрсетуім қажет. 

Ал, Golden Boy президенті Эрик Гомес боксшының жекпе-жегінен не күтетінін айтты.

"2020 жылды Alamodome шаршы алаңындағы үлкен жекпе-жектен бастаймыз, ол DAZN-де көрсетіледі. Хайме Мунгия бокс жұлдызы ғана емес, Мексикадағы үздік спортшыға айналып келеді. Хайме титулын босатып, орта салмаққа "Канело" Альварес және Геннадий Головкин сияқты боксшылармен жұдырықтасқысы келеді. Бұл ол үшін тамаша уақыт болады. Ал бәрі "Спайктен" басталады, ал өздігінен осал қарсылас емес. Бұл мексика-ирландиялық соғыс болмақ", - дейді Гомес.