«Ол шынайы дәрігерлердің орнын басады»: Қытайда дәрігер-робот лицензия алды

Техниканың дамуы барған сайын жылдамдап, тіпті өзінің шегінен асып бара жатқандай. Енді бірер жылдардан кейін дәрігер-роботтар қолданысқа енуі мүмкін.

Фото: fakty.com.ua

Қытайда дәрігер-роботқа ресми лицензия берілді. «iFlyTek» компаниясы «ИИ» роботын жасап шығуға төрт жыл уақытын сарп етіпті,-деп хабарлайды oinet.kz порталы.

Кезекті сынақ кезінде робот дәрігерлер тапсыруы тиіс емтиханнан сүрінбей өткен. Тіпті нәтиже күткендегіден де асып түскен. Бұл көрсеткіш туралы компания басшылығы мақтанышпен былай дейді: «Біз мұны бұрыннан жасап келеміз. Біздің робот өз еркімен сынақтарымызға жауап берді. Ол емтиханның барлық сұрақтарынан сүрінбей өтті. Ол шынайы дәрігерлердің орнын басатын болады». Жақын арада робот-дәрігер тәжірибеге шығып, өзінің алғашқы жұмысын бастайтын болады. Дәрігерлердің орнын роботтардың алмастыруы енді ертегі емес.