Жаңалықтар 07.12.2019 сағат 06:20

Қазақстандық 39 спортшы Италияға аттанды

Жаһандық дода 12-21 желтоқсан аралығында Италияның Вальтеллина және Валькиавенна қалаларында өткізіледі.
Қазақстандық 39 спортшы Италияға аттанды
Фото: baq.kz
Бөлісу
Бөлісу
Бөлісу

Сарыарқа" велотрегінде Қазақстан Республикасы Мәдениет және спорт министрлігінің ұйымдастыруымен XIX қысқы Сурдлимпиадаға Қазақстан құрамасын шығарып салуға арналған іс-шара өтті,-деп хабарлайды baq.kz порталы. 

Жаһандық дода 12-21 желтоқсан аралығында Италияның Вальтеллина және Валькиавенна қалаларында өткізіледі.

Іс-шараға Қазақстан Республикасы Мәдениет және спорт министрлігінің Спорт және дене шынықтыру істері комитетінің төрағасы Серік Сәпиев, "Спортты дамыту дирекциясы" РМҚК директоры Самат Ерғалиев және сайысқа аттанатын спортшылар қатысты.

Серік Сәпиев құрама спортшыларына сәттілік тіледі: "Сурдлимпиада сіздер үшін маңызды бәсеке екенін түсінемін. Себебі, ұзақ тер төгіп, тыңғылықты дайындалдыңыздар. Енді байрақты бәсекеде бақтарыңыз бен баптарыңыз қатар шауып, жоғары нәтижеге жетулеріңізге тілектеспін", - деді ол.

Сонымен қатар, Серік Жұманғалиұлы Сурдлимпиадаға қатысатын ұлттық құрама капитаны Азамат Ержанға мемлекеттік туды салтанатты түрде табыстады.

Айта кетейік, есту кемістігі бар спортшылар арасындағы төрт жылдықтың басты додасы шайбалы хоккей, сноуборд, шаңғы спорты, тау шаңғысы, керлинг және шахматтан өтеді. Ал Қазақстан құрамасы Апенин түбегіндегі жарыста шайбалы хоккей, шаңғымен жүгіру, сноуборд және шахмат секілді төрт спорт түрінен бақ сынайды. Биылғы жалпы бәсекеде ел намысын 39 спортшы қорғайды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар