Ресейдің Челябинск облысында орналасқан жанармай бекеттерінің бірінде жарылыс болды, деп хабарлайды Skifnews.kz ақпарат порталы.
Жарылыс салдарынан 1 адам жарақат алған. Зардап шегушінің беті мен қолын күйік шалған. Қазір ол ауруханада дәрігерлердің көмегіне жүгінуде.
Оқыс оқиғаға куә болғандардың айтуынша, көлікке жанармай құю кезінде шланганың үзіліп кетуі - жарылыс болуына түрткі болыпты.Шланга үзіліп, жерге жанармай тамып, соның салдарынан өрт шығып, қызыл жалын тез өршіген екен.
Оқиға орнына өрт сөндірушілер келіп, тез арада өртті ауыздықтады.