Жаңалықтар 05.01.2020 сағат 21:02

Қытай мен Үндістан азаматтары Қазақстанға 72 сағатқа визасыз кіре алады

Қытай және Үндістан азаматтарының паспорттарына Шекара қызметі өткізу пункттерінде мөртаңбалар қойылып, мемлекеттік шекараны кесіп өту уақыты көрсетіледі.
Қытай мен Үндістан азаматтары Қазақстанға 72 сағатқа визасыз кіре алады
фото: egemen.kz
Бөлісу
Бөлісу
Бөлісу

Биыл 1 қаңтардан бастап Нұр-Сұлтан, Алматы, Шымкент, Ақтау, Қарағанды және Тараз қалаларының халықаралық әуежайлары арқылы транзитпен өтетін Қытай мен Үндістан азаматтары үшін Қазақстанда 72 сағаттық визасыз режим жұмыс істейді. Бұл туралы Сыртқы істер министрлігінің Telegram-каналында хабарланды. 

«2020 жылғы 1 қаңтар айынан бастап «Көшіп келушілердің Қазақстан Республикасына келуінің және онда болуының және олардың Қазақстан Республикасынан кетуінің қағидаларын және көші-қон бақылауын жүзеге асыру әрі Қазақстан Республикасының Мемлекеттік шекарасынан заңсыз өтетін, Қазақстан Республикасының аумағында заңсыз болатын шетелдіктер мен азаматтығы жоқ адамдарды, оған қоса, Қазақстан Республикасының аумағына келуге тыйым салынған адамдарды есепке алу қағидаларын бекіту туралы» Қазақстан Республикасы Үкіметінің қаулысына сәйкес Нұр-Сұлтан, Алматы, Шымкент, Ақтау, Қарағанды және Тараз қалаларының халықаралық әуежайлары арқылы транзитпен өтетін Қытай Халық Республикасының және Үндістан Республикасының азаматтары үшін енгізілген Қазақстан Республикасына кірудің, онда болудың және одан кетудің 72 сағаттық визасыз режимі қолданылады» делінген хабарламада. 

Сонымен қатар, Қытай және Үндістан азаматтарының паспорттарына Шекара қызметі өткізу пункттерінде мөртаңбалар қойылып, мемлекеттік шекараны кесіп өту уақыты көрсетіледі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар