Абай Құнанбаевтың 175 жылдығын тойлаудың шығындары қысқарады. Бұл туралы мәдениет және спорт министрі Ақтоты Раймқұлова айтты, деп хабарлайды Tengrinews.kz.
"Абайдың 175 жылдығын тойлауға нақты қаражат бөлінген болатын. Оған білім саласында өтетін шараларға Білім және ғылым министрлігінің қаражаты жұмсалады, Ақпарат және қоғамдық даму, жергілікті атқарушы органдардың және де міндетті түрде Мәдениет және спорт министрлігінің қаражаты жұмсалады. Қазіргі уақытта бюджетті қысқарту мәселесі қарастырылып жатыр", - деді мәдениет министрі журналистердің сұрағына жауап беру кезінде Абай мерейтойын тойлаудың шығындары жайында.