$ 449.58  486.94  4.86

Біртанов карантиннен қашатын адамдарға ескерту жасады

1А санатындағы елдер - Қытай, Иран, Оңтүстік Корея және Италиядан келген азаматтар 14 күн бойы міндетті карантинге жатады.
Фото: tv.rbc.ru
Фото: tv.rbc.ru

Денсаулық сақтау министрі Елжан Біртанов елге коронавируспен оралып, карантиннен қашатын адамдарға ескерту жасады, деп хабарлайды Tengrinews.kz.

"Әрине, кейбір жағдайда азаматтар тығылып, қайдан келгендерін жасырады. Өкінішке қарай, біздің жауапсыз азаматтарымыз бар. Біз бұл проблеманы шешу үшін техникалық мәселелерін қарастырып жатырмыз", - деді Біртанов ОКҚ-да өткен брифингте.

Ол бас санитарлық дәрігер Жандарбек Бекшиннің арнайы жарлығы туралы айтты.

"Карантиннен бас тартқан немесе қашып жүрген азаматтарға айтқым келеді: бұл жерде әкімшілік жауапкершілік бар. Егер ол ауырып, басқа азаматтарға жұқтырса, заңда қылмыстық жауапкершілік қарастырылған", - деп ескертті министр.

Естеріңізде болса, 1А санатындағы елдер - Қытай, Иран, Оңтүстік Корея және Италиядан келген азаматтар 14 күн бойы міндетті карантинге жатады. 1В санатындағы елдер - Франция, Германия және Испаниядан келгендер үйінде 14 күнге оқшаулануы керек.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары