Жаңалықтар 14.03.2020 сағат 15:20

Сот төрағасының коронавирус жұқтырғаны рас па?

Дипломаттың әкесі Германиядағы ауруханалардың бірінде жатыр.
Сот төрағасының коронавирус жұқтырғаны рас па?
Бөлісу
Бөлісу
Бөлісу

Нұр-Сұлтан қалалық сотының төрағасы Тілектес Бәрпібаев еңбек демалысында. Бұл туралы қалалық соттың баспасөз хатшысы Ботагөз Баянова айтты. Оның хабарлауынша, Тілектес Бәрпібаев ақпан айының соңында еңбек демалысына шыққан. Ал еліміздің Сыртқы істер министрлігінің ресми өкілі Айбек Смадияров Германиядағы Қазақстан елшілігінде жұмыс істейтін қызметкердің әкесі коронавирус жұқтырғанын растады, деп хабарлайды Azattyg-ruhy.kz.

«Елшілік қызметкерінің ата-анасы демалыста ұлына қыдырып келген. Олар өз жұмыстарымен Еуропада болған. Кейін  қызметкердің әкесінен ауру белгілері байқалып, вирус жұқтырғаны анықталған. Дипломаттың әкесі Германиядағы ауруханалардың бірінде жатыр. Ал қызметкер мен оның жұбайы карантинге жабылды. Отандасымыздың аты-жөнін айта алмаймын», - деді Айбек Смадияров.

Айта кетейік, бұдан бұрын желіде «Нұр-Сұлтан қалалық сотының төрағасы Тілектес Бәрпібаев Германияда елшілікте жұмыс істейтін ұлына барғанда қауіпті індет жұқтырды» деген ақпарат тараған болатын.

Тілектес Бәрпібаев 1960 жылы Алматы облысында дүниеге келген. Түрлі жылдары Алматы қалалық, облыстық сотының төрағасы болған. 2013 жылдан бері Нұр-Сұлтан қалалық сотының төрағасы болып қызмет атқарады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар