Жаңалықтар 16.03.2020 сағат 17:40

"ҚазМұнайГаз" ұлттық компаниясының 2 қызметкері коронавирус жұқтырды деген күдікке ілінді

Әкімшілік қызметкерлердің кемінде 50%-ы қашықтықтан жұмыс істеу тәртібіне ауысқан.
"ҚазМұнайГаз" ұлттық компаниясының 2 қызметкері коронавирус жұқтырды деген күдікке ілінді
Бөлісу
Бөлісу
Бөлісу

"ҚазМұнайГаз" ұлттық компаниясы орталық аппаратының екі қызметкері коронавирус жұқтырды деген күдікке ілінді. Абырой болғанда, екеуінің де тесті теріс нәтиже көрсетті, деп хабарлайды Sputnik Қазақстан компанияның сайтына сілтеме жасап.

Компания хабарлағандай, бір қызметкер Франкфурттан Нұр-Сұлтанға коронавирус жұқтырған науқаспен бір ұшақта ұшып келген. Екінші қызметкер Нұр-Сұлтан қаласынан Алматы қаласына дейін осы ұшақпен ұшып барған.

"Қызметкерлер алгоритмге сәйкес COVID-19 бар-жоқтығын анықтау үшін тест тапсырды, оның нәтижелері теріс болып шықты", -делінген хабарламада.

Осылайша, екі қызметкер де коронавирус жұқтырмаған болып шықты. Қазір олар үйде карантинге алынды.

Компания қызметкерлердің Қазақстан аумағында, сондай-ақ шетелге іссапарға шығуына тыйым салынғанын атап өтті.

Әкімшілік қызметкерлердің кемінде 50%-ы қашықтықтан жұмыс істеу тәртібіне ауысқан.

"2020 жылғы 16 наурыздағы жағдай бойынша коронавирустық инфекция жұқтырған қызметкерлер анықталмады. Компанияның барлық кәсіпорны қалыпты жағдайда жұмыс істеп тұр", -деп атап өтті компаниядан.

Бұдан бөлек, мұнай мен газ өндіру, тасымалдау және мұнай өңдеу зауыттарында жұмыс қалыпты жағдайда жүріп жатыр. Мұнай өнімдерінің тапшылығы байқалмайды, деп сендірді ҚазМұнайГаз.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар