Әлемді дүрбелеңге салған індеттен АҚШ-та бір тәулікте 770 адам қайтыс болды

Дүние жүзін дүрбелеңге салған COVID-19 вирусы күн сайын жүздеген адамның өмірін қиып жатыр, деп хабарлайды «Хабар 24».

АҚШ-та соңғы тәулік ішінде одан 770 азамат қайтыс болды. Бұл туралы американың CNN хабарлады. Айта кетейік, қазір Құрама штаттар коронавирус жұқтырғандар саны бойынша әлемде бірінші орында тұр. 

Джонс Хопкинс университетінің дерегінше, осы уақытқа дейін 188 мыңнан аса адам инфекция жұқтырған. 3 мың 700-дей кісі қаза тапқан.