«Түсін, біз күні бойы көшеде жүрміз»: дәріханаға шыққан астаналық әйел полицейден зәбір көре жаздады

Астаналық әйел оны көшеде тоқтатқан полиция қызметкері тарапынан алымсақтыққа ұшырағанын мәлімдеді. Елордалық полиция департаменті қыздың хабарламасынан кейін тексеру жүргізуді бастаған, деп хабарлайды Sputnik Қазақстан-ға сілтеме берген Stan.kz.

17 сәуірде, жұма күні дәріханаға барғаннан кейін ыңғайсыз жағдайға тап болғандығы туралы Facebook-те пост жарияланды.

Хабарлама авторының айтуынша, оқиға оның танысымен болған, оны полиция қызметкері тоқтатқан. Дәріханадан алған заттарының чегін тексергеннен кейін тәртіп сақшысы оның үйден шығуына негіз болмағанын айтқан.

Астаналық әйелдің қоңырау шалу әрекеті тоқтатылып, полиция қызметкері телефонды өшіруді сұраған. Ол сонымен бірге құжаттарды тартып алып, тұраққа баруды өтінді.

"Ұзақ жол жүрген жоқпыз. Тұрақтың орнына ол құрылыс жүріп жатқан жерге тоқтады. Қыз қорқып, жылап жіберіп, бос әмиянды көрсетеді, ақшасы жоқ. Жауап ретінде ол ақша емес, жыныстық қатынас сұраған. "Түсін, біз күні бойы көшеде жүрміз" деп айтты", - дейді автор.

Қыздың айтуынша, қиын жағдайдан тек полицияның рациясына түскен үздіксіз қоңыраулар мен ұзақ жылаудың арқасында құтылып кеткен.

Нұр-Сұлтан қаласының полиция департаментінің баспасөз қызметі бұл факті бойынша тексеру жүргізіліп жатқандығы туралы хабарлады.