$ 448.15  483.46  4.86

Нұр-Сұлтанға енді аудан орталықтарынан тұрғындар қатынай алады

Бекітілген құжатта карантин аймағын кесіп өту бойынша барлық түпкілікті шешімді жауапты қызметкерлер блок-бекеттерде қабылдайтыны айтылған.

Елордадағы санитариялық блок-бекеттер жұмысының жаңа алгоритмі 13 мамырдан бастап күшіне енді, деп хабарлайды Skifnews.kz ақарат порталы Нұр-Сұлтан қаласы әкімдігінің баспасөз қызметіне сілтеме жасап.

Алгоритмге сәйкес, қала аумағына шығуға/кіруге тыйым салуды қамтамасыз ете отырып, блок-бекеттерде санитариялық-карантиндік бақылау жалғасуда, мыналарды қоспағанда: 

- халықтың тыныс-тіршілігін қамтамасыз ету ұйымдарының қызметкерлері; 

- ТЖ режимі алынып тасталғаннан кейін өз жұмысын қайта бастаған ұйым қызметкерлері; 

- карантин аймағына, одан тыс жерлердегі саяжай учаскелеріне (қала сыртындағы үйлерге) бара жатқан тұлғалар; 

- медициналық көрсеткіштер бойынша шығатын және келетін адамдар; 

- көктемгі егіс жұмыстарына жіберілген тұлғалар; 

- Ақмола облысының Целиноград, Аршалы, Шортанды және Қорғалжын аудандарының тұрғындары; 

- ҚР басқа өңірлерінде тіркелген карантин аймақтарынан шығатын адамдар санитариялық блокпосттарда қажетті құжаттарды толтырғаннан кейін; 

- патрульдік полицияның еріп жүруінсіз жерлеу мақсатында карантин аймағын кесіп өтетін азаматтар; 

- шет мемлекеттердің азаматтары; 

- карантин аймағына немесе карантин аймағынан өздерінің кәмелетке толмаған балаларына бара жатқан тұлғалар; 

- карантин аймағына немесе карантин аймағынан сырқат туыстарына күтім жасау мақсатында бара жатқан тұлғалар; 

- әуе рейсімен бара жатқан тұлғалар; 

- қалпына келтіру жұмыстары және су тасқынына қарсы іс-шараларға көмек көрсету үшін Түркістан облысына жіберілетін тұлғалар; 

- азық-түлік және азық-түліктік емес тауарлардың жүк көліктері; 

- транзит. 

«Бекітілген құжатта карантин аймағын кесіп өту бойынша барлық түпкілікті шешімді жауапты қызметкерлер блок-бекеттерде қабылдайтыны айтылған. Нұр-Сұлтан қаласының карантин аймағын кесіп өтетін әрбір тұлға ақпараттық деректер базасында міндетті түрде есепке алынуы тиіс», - деп жазылған хабарламада.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары