Жаңалықтар 23.05.2020 сағат 20:36

«Коронавирус жұқпайды деп алаңсыз жүруге болмайды» - атыраулық дәрігер

Ол алынған сынаманың қорытындысы шыққанша науқастар дәрігердің бақылауында болатынын айтты. Нәтиже расталғанда ғана науқас инфекциялық ауруханаға жіберіледі.
«Коронавирус жұқпайды деп алаңсыз жүруге болмайды» - атыраулық дәрігер
Бөлісу
Бөлісу
Бөлісу

Атырауда коронавирус індетімен күреске 650 медицина қызметкері тартылған. Соның бірі – Нұрбақыт Көпжанов, деп хабарлайды ҚазАқпарат. Қазір ол Атырау қаласындағы №5 емханада жанұя денсаулығы орталығының меңгерушісі болып жұмыс істейді.

«Қауіпті індетпен күресте дәрігерлерге зор жауапкершілік жүктеліп отыр. Біз халықтың денсаулығын сақтау үшін жұмыс істеп жатырмыз. Бұл – біздің міндетіміз» дейді ол.

Нұрбақыт Көпжановтың айтуынша, №5 қалалық емханаға тіркелген тұрғындардың арасынан қауіпті індетті жұқтырған үш жағдай тіркелген.

«Коронавирус инфекциясы табылған науқастар тұратын үйлерді жедел оқшаулап, дәрігерлік бақылауға алдық. Ал, карантинде жатқандарды күніне үш сағат сайын термометриядан өткіземіз. Телефонмен хабарласып, видеобайланыс арқылы карантиндегі адамдардың жағдайын біліп, шағымдарын сұраймыз. Олардың барлығын бақылауда ұстап отырмыз. Инфекция белгісі бар науқастарды қабылдау үшін емханада провизорлық бөлімше ұйымдастырылды. Коронавирус инфекциясының белгісі болуы мүмкін деген күдікпен келген науқастарды аталған бөлімшеде қабылдап, мұрнынан сынама аламыз», - дейді Нұрбақыт Көпжанов.

Ол алынған сынаманың қорытындысы шыққанша науқастар дәрігердің бақылауында болатынын айтты. Нәтиже расталғанда ғана науқас инфекциялық ауруханаға жіберіледі.

«Дәрігердің міндеті – халықтың денсаулығын сақтау. Біз өз міндетімізді бұрыннан адал атқарып жүрміз. Әсіресе, қазіргі қиын жағдайда дәрігерлерге жүктелген жауапкершілік бұрынғыдан да еселеп арта түсті», - дейді ол.

Дәрігердің айтуына қарағанда, Атырауда коронавирус инфекциясы тіркелгеннен бері емхана жұмысына өзгеріс енгізілген.

«Емханада науқастарды қабылдау онлайн режимге көшірілді. Дәрігерлер есепте тұрған, бізге хабарласқан тұрғындарға онлайн кеңес беріп жатыр. Әсіресе, жүкті әйелдер, жаңа туған сәбилер ерекше бақылауға алынды», - дейді Нұрбақыт Көпжанов.

Емхана қызметкерлерінен де коронавирус инфекциясына қарсы сынама алынған. Сынама қорытындысы теріс нәтижес көрсетіп, індетті жұқтыру дерегі тіркелмеген. Емхана дәрігерлері жұмыстан босатылмаған.

«Біз сақтық шараларына баса мән береміз. Өйткені халықтың денсаулығын сақтауға жауапты дәрігерлер де сақтық шараларын сақтауы керек. Мұны тұрғындарға да ұдайы айтып отырамыз. Бұл індет жұқпайды деп алаңсыз жүруге болмайды. Сақтану шараларын қатаң ұстану арқылы ғана қауіпті індеттің таралуын тоқтата аламыз», - дейді дәрігер Нұрбақыт Көпжанов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар