Жаңалықтар 30.05.2020 сағат 22:27

«Мемлекеттік комиссия жұмысына құпия құжаттарға қол жеткізу үшін кәсіби мамандар тартылғаны жөн» - Ерлан Сыдықов

Сол азаматтарымыздың тек өздері ғана емес, үрім-бұтағы да қуғынға ұшырап, моральдық тұрғыда бүгінге дейін бастарын көтере алмады
«Мемлекеттік комиссия жұмысына құпия құжаттарға қол жеткізу үшін кәсіби мамандар тартылғаны жөн» - Ерлан Сыдықов
Бөлісу
Бөлісу
Бөлісу

 Л.Н.Гумилев атындағы Еуразия ұлттық университетінің ректоры, тарих ғылымдарының докторы, академик Ерлан Сыдықов Мемлекет басшысы Қасым-Жомарт Тоқаевтың Саяси қуғын-сүргін және ашаршылық құрбандарын еске алу күніне орай жасаған бүгінгі үндеуіндегі мемлекеттік комиссия құру мәселесіне қатысты өз пікірін айтты. Бұл туралы Baq.kz хабарлайды.

"Бұл өте орынды, уақытылы, саяси шешім. Бұл – Президенттің көрегендігі. Өйткені, тарихта қазақ халқының көрмеген қуғын-сүргіні жоқ. Соның ең қиын кезеңі – ХХ ғасырда күні кеше ғана болған оқиғалар. Яғни, Қазан төңкерісі, азамат соғысы, большевиктердің жаңа социализм құру саясаты жолында жіберген қателіктерінің кесірінен қазақ даласында болған ашаршылық салдарынан қаншама адам қаза тапты.  Екінші жағынан, осы жүйеге қарсы келгендер немесе басқа саяси даму жолын ұсынған адамдар билікке қарсы жау саналып, саяси қуғын-сүргінге ұшырып жатты. Біздің Қазақстанда оқыған, тоқыған, елім деген патриот азаматтар көп болды. Биліктің маңайында да демократиялық мемлекет құрамыз, тәуелсіз ел боламыз деп ұрандатып, шекара белгілеген алаш азаматтарының барлығы зұлмат жылдары қыршын кетті. Сол азаматтарымыздың тек өздері ғана емес, үрім-бұтағы да қуғынға ұшырап, моральдық тұрғыда бүгінге дейін бастарын көтере алмады", - дейді ол. 

Ерлан Батташұлы зиялы қауым алдында кезінде қуғын-сүргінге ұшырағандарды түгел ақтау міндеті тұрғанын айтады. 

Тағы оқи отырыңыз: Саяси қуғын-сүргін құрбандарын ақтау жөніндегі мемкомиссияның нақты міндеттері белгілі болды

"Қазіргі таңда біздің, биліктің, зиялы қауымның, тарихшылар мен құқық қорғау органдарының басты міндеті – кезінде қуғын-сүргінге ұшырағандарды түгел ақтау болып отыр. Бұл мәселе бұған дейін де талай мәрте көтерілді. Бірқатар істер қайта қаралып, талайы ақталды да. Алайда, бұл мәселе жалғасын таппады. Мемлекеттік комиссия құру идеясы өте дер кезінде көтерілді. Президенттің бұл ұсынысы  барлық жағынан қолдау табады. Халық та, халықаралық қауымдастықтар да жылы қабылдайтын шешім. Тек аталмыш комиссия бір күндік болмауы керек. Белгілі бір уақытқа ғана құрылатын комиссия емес,  үнемі жұмыс істейтін комиссия болуы қажет. Қуғын-сүргінге ұшырағандарды ақтау не үшін керек? Бұл шаралар келешекте осындай жағдайлардың қайталанбауы үшін маңызды. Комиссия жұмысына тарихшылардан бөлек, түрлі құпия құжаттарға қол жеткізу үшін құқық қорғау органдары қызметкерлері, кәсіби тергеуші мамандар міндетті түрде тартылғаны жөн", - дейді ол.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар