Жаңалықтар 14.07.2020 сағат 14:40

Қорғаныс министрінің орынбасары көз жұмды

Әр жылдары Қорғаныс министрлігінде басшылық лауазымдарды, сонымен қатар Қазақстан Республикасы Қауіпсіздік Кеңесі әскери қауіпсіздік және қорғаныс бөлімінің меңгерушісі лауазымын атқарды.
Қорғаныс министрінің орынбасары көз жұмды
фото: www.gov.kz
Бөлісу
Бөлісу
Бөлісу

2020 жылдың 14 шілдесі күні Қазақстан Республикасы Қорғаныс министрінің орынбасары генерал-майор Бақыт Жанұзақұлы Құрманбаев дүниеден озды, деп хабарлайды Skifnews.kz ақпарат порталы, ресми мәлімдемеге сілтеме жасап. 

1993 жылы Әл-Фараби атындағы Қазақ мемлекеттік университетін тәмамдады. 2005 жылы Ресей Федерациясы Құрлық әскерлері әскери әуе шабуылына қарсы қорғаныс әскери академиясында білім алып, ал 2008 жылы Ресей Федерациясы Қарулы Күштері Бас штабы Әскери академиясының Жоғары академиялық курстарын бітірді.

Бақыт Жанұзақұлы Қазақстан Республикасы Қарулы Күштерінде атқарған қызметінде жоғары кәсібилігімен және ауқымды тәжірибесімен ерекшеленді. Әскери салада қондырғыларды қосу взводының, зениттік-зымыран батареясының командирінен бастап әр жылдары Қорғаныс министрлігінде басшылық лауазымдарды, сонымен қатар Қазақстан Республикасы Қауіпсіздік Кеңесі әскери қауіпсіздік және қорғаныс бөлімінің меңгерушісі лауазымын атқарды.

2017 жылғы 6 мамырда Президент Жарлығымен оған «генерал-майор» әскери атағы берілген еді.

2019 жылғы сәуір айында генерал-майор Құрманбаев Қазақстан Республикасы Қорғаныс министрінің орынбасары болып тағайындалды. Материалдық-техникалық қамтамасыз ету, қорғаныс өнеркәсіп кешенімен өзара іс-қимыл жасау, қару-жарақ және әскери техника, сондай-ақ тылдық және медициналық қамтамасыз ету мәселелеріне жетекшілік етті.

Арыс қаласындағы төтенше жағдай салдарын жоюда айтарлықтай үлес қосып, пандемиямен күрес кезеңінің алғашқы күндерінен бастап инфекцияның таралуына қарсы іс-шараларды ұйымдастыру мен қамтамасыз етуге белсенді атсалысты.

Қызмет атқарған кезеңдерде II-ші дәрежелі «Айбын» және II-ші дәрежелі «Данқ» ордендерімен марапатталған.

Министрліктің хабарламасына көзжүгіртсек, Бақыт Жанұзақұлының артында жары мен екі баласы қалды.

Қазақстан Республикасы Қорғаныс министрлігінің басшылық құрамы мен әскери қызметшілері генерал-майор Бақыт Жанұзақұлы Құрманбаевтың мезгілсіз қайтыс болуына байланысты туыстары мен жақындарына қайғырып көңіл айтады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар