Еңбекақысы сақталмаған демалыстағы қызметкерлер 42500 теңге мөлшерінде әлеуметтік төлем алуы үшін жұмыс берушілердің өтініші қабылдана басталды, - деп хабарлайды Skifnews.kz ақпарат порталы 42500.enbek.kz сайтына сілтеме жасап.
"Өз қызметкерлері үшін өтінім беретін жұмыс берушілер (заңды және жеке тұлғалар) үшін өтінім қабылдау 2020 жылғы 19 шілдеде 10:00 сағаттан басталады. ( eGov.kz порталы, 42500.enbek.kz)", - делінген хабарламада.
Еңбекақысы сақталмаған еңбек демалысындағы қызметкерлер тізімін және олардың Қағидалар талаптарына сәйкестігін жұмыс беруші белгілейді. Жұмыс беруші Қағидалар талаптарын сақтамаған жағдайда қызметкер еңбек инспекциясының жергілікті органына жүгінуге құқылы.
Сонымен қатар, өтініш берілгеннен кейін аудандық (қалалық) штаб жұмыс беруші қызметінің шын мәнінде шектелгеніне тексеру жүргізеді.