Жаңалықтар 27.07.2020 сағат 10:20

Педофилді ұстаған полиция майоры «Айбын» орденімен марапатталды

Ол Әл-Фараби даңғылындағы үйде жасырынған күдікті полициядан қашып тұрғын үйдің жоғарғы қабатынан секіріп кеткен.
Педофилді ұстаған полиция майоры «Айбын» орденімен марапатталды
Бөлісу
Бөлісу
Бөлісу

Қазақстан Республикасы Президенті Қасым-Жомарт Тоқаевтың Жарлығымен Алматыда педофилді ұстаған полиция майоры Бақытжан Бәкіров ІІ дәрежелі «Айбын» орденімен марапатталды. Бұл туралы ҚазАқпарат, ІІМ баспасөз қызметіне сілтеме жасап хабарлайды. 

«Қызметтік міндетін атқару кезінде батылдық пен қайсарлық көрсеткені үшін Ішкі істер министрлігі Алматы қалалық полиция департаментінің Түрксіб аудандық полиция басқармасының жедел уәкілі– Бақытжан Әнуарбекұлы Бәкіров ІІ дәрежелі «Айбын» орденімен марапатталсын», - делінген Жарлық мәтінінде. 

Естеріңізге сала кетейік, оқиға 11 шілдеде Түрксіб ауданында жеке үйлер алабында болған. Түсте күдікті Покровская көшесінде орналасқан үйлердің біріне кілтті таңдау ақылы кірген. Үйде 2 бала - төрт жастағы ұл бала мен оның 15 жастағы әпкесі болған. Қаскөй пышақпен қорқытып, 17 мың долларды иемденіп, содан кейін қызды қорлаған. Кейін Әл-Фараби даңғылындағы үйде жасырынған күдікті полициядан қашып тұрғын үйдің жоғарғы қабатынан секіріп кеткен. Сол кезде майор Бақытжан Бәкіров оның артынан бірге секіріп, қылмыскерді қуып жеткен. Осы батылдығы үшін Бақытжан Бәкіровті Ішкі істер министрі Ерлан Тұрғымбаев «Құқық тәртібін қамтамасыз етуде қосқан үлесі үшін» медалімен марапаттаған еді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар