Кеше Үндістанда ұшапқ апаты болып, салдарынан 20 адам қаза болған еді. Осы орайда, ҚР президенті Қасым-Жомарт Тоқаев Үндістанның премьер-минитсрі Нарендра Модиге көңіл айтты, деп хабарлайды Skifnews.kz ақпарат порталы.
Мемлекет басшысы Twitter парақшасында: "Керала штатындағы ұшақ апатының салдарынан көптеген адамның қаза болуына байланысты Үндістан үкіметіне, халқына және жеке премьер-министр Нарендра Модиге қайғырып көңіл айтамын", - деп жазды.
Естеріңізге сала кетейік, Үндістанда "Air India Express" компаниясының ұшағы әуежайға қонар кезде апатқа ұшырады. Ұшақта 190 адам болған. Оның 174-і ересек адам болса, 10-ы бала және екі пилот, 4 эпипаж мүшесі.