Жаңалықтар 14.08.2020 сағат 11:40

Атырауда 203 млн теңге жұмсалған ту ілетін тұғыр құлап қалды

Тутұғырдағы үнемдеу тұрғындардың өмірі мен денсаулығына қауіп әкелген.
Атырауда 203 млн теңге жұмсалған ту ілетін тұғыр құлап қалды
Фото: azh.kz
Бөлісу
Бөлісу
Бөлісу

Атырау облысы прокурорының орынбасары Б.А. Жұмақановтың хабарламасы бойынша, өткен жылдың 20 желтоқсанында Атырау қаласындағы алаң құрылысында 91-метрлік тутұғыр құлаған, деп хабарлайды Skifnews.kz ақпарат порталы zakon.kz-ке сілтеме жасап.

Тұрғындардың өмірі мен денсаулығына қауіп тудыруға, абайсыз оқиғаларға жол бермеу және алдын алу мақсатында облыс прокуратурасымен аталған объектіде заңдылықтың сақталуына талдау жасалды.

Нәтижесінде, мердігердің жобалау-сметалық құжаттама талаптарына қайшы, авторлық бақылаушының келісімінсіз сметаға салынған 203 млн теңгеден 3 есе төмен тутұғыр қондырғаны анықталды.

Өз кезегінде, облыстық Құрылыс басқармасы заңнама талаптарын бұза отырып тутұғырды ауыстыруға өз бетінше келісім берген.

Сөйтіп, мердігердің және жергілікті атқарушы органдардың заңсыз әрекеттерінен туындаған авариялық жағдай адамдардың өмірі мен денсаулықтарына қауіп әкелген.

Аса ірі көлемде жымқыру фактісі бойынша құжаттар сотқа дейінгі тергеп-тексеру жүргізу үшін Экономикалық тергеу департаментіне жолданды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар