Шілденің 24 мен 26 күндері аралығында еліміздің солтүстігінде жаңбыр жауады, деп хабарлайды skifnews.kz.
Қазақстанның оңтүстігі мен батысында жаздың осы мезгілінде, құрғақшылық пен аптап ыстық болатыны әдеттегі жағдай. Бұл жерлерде күндізгі ауаның қызуы +30...+38º барады. Алайда, еліміздің солтүстігінде ауа-райы мүлдем басқаша жаңбыр, нөсер, күндізгі температура +15...+23º аспайды. Бұл осы кезеңдегі температурадан 3...8º төмен. Алдағы үш күнде Қазақстан аумағында ауа-райында өзгеріс болмайды. Өткен күндердегідей, солтүстікте жаңбырлы және салқын, ал басқа өңірлерде аптап және құрғақ сақталады.