Жаңалықтар 26.08.2020 сағат 04:22

Батыс Қазақстанда пара алды деп айыпталған полицей қамауға алынды

Қызмет тәртібін өрескел бұзғаны үшін аталған қызметкер «Құқық қорғау қызметі туралы» ҚР Заңына сәйкес ішкі істер органдарынан қуылды.
Батыс Қазақстанда пара алды деп айыпталған полицей қамауға алынды
Фото: turkystan.kz
Бөлісу
Бөлісу
Бөлісу

Батыс Қазақстан облысында пара алды деп айып тағылған полицей қызметінен қуылды деп хабарлайды Baq.kz БҚО облыстық ПД баспасөз қызметі сілтеме жасап.

Баспасөз қызметі хабарлағандай, патрульдік полиция батальоны саптық бөлімше қызметінің инспекторына қатысты ҚР ҚК 366-бабына (пара алу) сәйкес қылмыстық іс қозғалған. БҚО бойынша Сыбайлас жемқорлыққа қарсы қызметтің тергеу басқармасы биылғы маусымда қылмыстық істі бітіріп, облыс прокуратурасына жолдаған. Қызмет тәртібін өрескел бұзғаны үшін аталған қызметкер «Құқық қорғау қызметі туралы» ҚР Заңына сәйкес ішкі істер органдарынан қуылды. 

Айта кетейік, қазіргі кезде іс Орал қалалық сотында қаралуда. Алайда, сот отырысына куәгерлер келмеген. Оларды мәжбүрлеп келтіру туралы шешім шығарылды. Оған қоса 21 тамыз күнгі отырысқа еркіндікте жүрген айыпталушының өзі келмеген. Сондықтан оның соттан бой тасалауы және куәгерлерге қысым жасауы мүмкін екендігін ескере отырып, айыпталушыны қамауға алу туралы қаулы қабылданды. 
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар