Мемлекет басшысы Үкіметке білім берудің дәстүрлі қалпына оралу тәртібін әзірлеуді тапсырды, деп хабарлайды Skifnews.kz ақпарат порталы.
Бұл туралы Президент Twitter-дегі парақшасында жазды.
"Мектеп оқушылары мен студенттерді Білім күнімен құттықтаймын! Бүгін жаңа оқу жылы басталады. Сіздерге өз күш-жігерлеріңізге, талпыныстарыңызға, еңбектеріңізге сүйене отырып, болашақтағы жетістіктеріңіздің іргетасын қалау міндеті тұр. Жаңа әлемдегі ең құнды дүние саналатын білімге жол ашатын ұстаздарға табыс тілеймін. Пандемия мектептер мен жоғары оқу орындарындағы оқу жылының басталуына кері әсерін тигізді. Бірақ бұл уақытша құбылыс", - деді Қасым-Жомарт Тоқаев.
Сондай-ақ, үкіметке балалар мен жастардың арасында қауіпті індеттің алдын алып, санитарлық нормаларды сақтай отырып, білім берудің дәстүрлі қалпына оралу тәртібін әзірлеу тапсырылды.