Иван Ургант Қазақстанды «велоспорттың отаны» деп атады

«Шын жүректен Алексей Луценко мен «Астана» командасын «Тур де Франстың» алтыншы кезеңіндегі жеңісімен құттықтаймын», - деді ол.

Белгілі ресейлік тележүргізуші Иван Ургант «Тур де Франстың» алтыншы кезеңінде бірінші болуымен «Астана» велоклубы және Алексей Луценконы жеке құттықтады, деп хабарлады vesti.kz.

Ол жарыстың алтынын да Қазақстан жеңіп алады деген ойда.

«Шын жүректен Алексей Луценко мен «Астана» командасын «Тур де Франстың» алтыншы кезеңіндегі жеңісімен құттықтаймын. Жігіттер, жүрегім сендермен! Қазір қастарыңда болуым керек еді, сол жерде. Бірақ, өкінішке қарай, олай болмады. Биыл біз кезең-кезеңмен жеңіске жетеміз деген сенімдемін. Ақыры «Тур де Франс» алтыны да өз орнына – велоспорттың отаны Қазақстанға бару керек», - дейді Ургант.