Жаңалықтар 18.09.2020 сағат 07:02

Алматы облысындағы мектептердің бірінде екі мұғалім «оқушы қыздарды зорлады» деген күдікке ілінді

Бүгінде дене шынықтыру пәнінің екі мұғалімі қамауға алынған.
Алматы облысындағы мектептердің бірінде екі мұғалім «оқушы қыздарды зорлады» деген күдікке ілінді
Иллюстративное фото:uganka.ru
Бөлісу
Бөлісу
Бөлісу

Алматы облысында екі мұғалімге кәмелет жасына толмаған қыздарды зорлады деген айып тағылды, - деп хабарлайды Tengrinews.kz тілшісі.

Sputnik Қазақстан мәліметінше, Үштөбе қалалық полициясына 16 жастағы екі оқушының ата-аналары арыз түсірген. Олардың шағымы 13 тамызда тіркелді.

Бүгінде дене шынықтыру пәнінің екі мұғалімі қамауға алынған. Олар екі түрлі мектепте жұмыс істейді. Екеуіне де кәмелет жасына толмаған қыздарды бірнеше рет зорлады деген айып тағылған. Бір қыз Қапшағай колледжінде оқиды, ал екіншісі - Үштөбе мектебінің оқушысы.

Полициядағылар Tengrinews.kz тілшісіне өңірлік полиция департаментінің тергеу басқармасы аталған фактілер бойынша қылмыстық іс жүргізіп жатқанын айтты.

"Күдіктінің бәріне қатысты қамауға алу түріндегі бұлтартпа шарасы таңдалды. Тиісті сараптамалар тағайындалды. Тергеу полиция басқармасы басшылығының бақылауында", - деді ведомство баспасөз қызметінің өкілі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар