Жаңалықтар 18.09.2020 сағат 16:40

Мемлекеттік қызметшілерді қысқарту жоспары жарияланды

Оның айтуынша, мыңдаған мемқызметші жекеменшік салаға ауысып жатады. Ондай адамдардың саны 6 мыңға дейін барады.
Мемлекеттік қызметшілерді қысқарту жоспары жарияланды
фото: pixabay.com
Бөлісу
Бөлісу
Бөлісу

Мемлекеттік қызмет істері агенттігінің төрағасы Анар Жайылғанова мемқызметшілердің санын қысқарту жоспары туралы айтты, деп хабарлайды Sputnik Қазақстан.

Агенттік басшысының айтуынша, мемлекеттік қызметшілердің саны жыл сайын азайып келеді. Мәселен, 2018 жылы олардың саны 98,7 мың адам болса, бір жылдан кейін 97,4 мыңға дейін азайды. Ал биыл 97 мың адам болды. Енді президенттің тапсырмасы бойынша тағы біраз адамды қысқарту қажет. Бірақ бұл жұмыс мемлекеттік аппараттың қызметіне кері әсерін тигізбеуі тиіс. Сол себепті бірнеше ұсыныс қарастырылып жатыр.  

"Біріншіден, оңтайландырылатын қызметтерді анықтағанда алдымен тұрақты бос орындар қарастырылады. Бүгінде осы санаттағы вакансиялардың жалпы саны шамамен 8 мың бірлікті құрайды. Бұдан бөлек, жыл сайын зейнеткерлікке шығуына байланысты тағы мыңнан астам қызмет босап отырады", - деді Жайылғанова орталық коммуникациялар қызметінде өткен онлайн брифингте.

Оның айтуынша, мыңдаған мемқызметші жекеменшік салаға ауысып жатады. Ондай адамдардың саны 6 мыңға дейін барады.

"Міне, осы резервті пайдалану арқылы біз нақты жұмыс істеп жүрген мемлекеттік қызметшілерді қысқартуды барынша азайта аламыз. Екіншіден, әлеуметтік жағынан осал топтарға кіретін мемлекеттік қызметшілерді қорғауымыз керек", - деп атап өтті Жайылғанова.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар