Жаңалықтар 21.09.2020 сағат 13:00

Бұрынғы СІМ жауапты хатшысына қатысты сот үкімі шықты

Барлық сотталушыларға айыптау үкімі жарияланған.
Бұрынғы СІМ жауапты хатшысына қатысты сот үкімі шықты
фото: pixabay.com
Бөлісу
Бөлісу
Бөлісу

Нұр-Сұлтанда елшілік ғимаратының құрылысына бөлінген қаражатты жымқырды деп айыпталған бұрынғы СІМ жауапты хатшысы Анарбек Қарашевқа қатысты сот үкімі шықты деп жазады KAZ.NUR.KZ , порталы қалалық соттың баспасөз қызметіне сілтеме жасап. 

Ведомство таратқан ақпаратқа сәйкес, №2 Байқоныр аудынының сотында Қарашев және өзге де тұлғаларға қатысты қылмыстық іс қаралған.. Қарашевтің елшілік ғимаратының құрылысы үшін және қосылған құн салығына бөлінген ақшалай қаражаттарды жымқырғаны үшін айыпталғаны белгілі болды. Сондай-ақ, оның кәсіпкерлерден пара алғандығы, ақшалай қаражатты заңдастырғаны айтылды. 

"Прокурор сот талқылауы барысында Қарашевтің пара алу мен қаражатты заңдастырудағы айыптан бас тартып, айыптың жаңа тұжырымдамасын ұсынған. Прокурордың мұндай шешімі сот үшін міндетті болып табылады", - делінген хабарламада.

 Сот Қарашевтің іс-әрекетін лауазымдық өкілеттілікті теріс пайдалану деп саралаған. Одан бөлек, Өзбекстандағы бұрынғы елші Утембаев Қарашевқа қылмыстық құқық бұзушылыққа көмектескені үшін айыпталды. 

"Сакенова (СІМ Басқармасы шаруашылығының бұрынғы директоры) кәсіпкерлерден пара алғандығы үшін айыпталды. Нурекенов, Джумасановаға (Басқарманың бұрынғы қызметкерлері) келесідей айып тағылды: біріншісі - өкілеттілікті теріс пайдалануға және және пара алуға көмектескен, екіншісі – пара алуға көмектескен.  ЖШС-нің басшысы Кутдусов пара бергендігі үшін айыпталды", - деді қалалық сот. 

 Барлық сотталушыларға айыптау үкімі жарияланған. Сот Қарашев, Утембаев және Нурекеновтің алғашқы рет жауаптылыққа тартылып отырғандығын, кәмелетке толмаған балаларының бар болуы есепке алды. Осылайша, Қарашев және Утембаевқа 2 жыл бас бостандығын шектеу жазасы (бап санкциясы 7 жылға дейін бас бостандығын шектеу немесе бас бостандығынан айыруды қарастырады) тағайындалды. 

Нурекеновке - 5 жыл, Сакенова, Джумасановаға 2 жыл бостандығынан айыру жазасы тағайындалды.

 Кутдусовқа айыппұл түріндегі жаза тағайындалды.

 Ведомсво мәліметінше, барлық сотталушылар мемлекеттік қызметте қызмет  атқару құқығынан өмір бойына айырылды. Үкім заңды күшіне енген жоқ. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар