Жаңалықтар 30.09.2020 сағат 16:20

ДАИШ содырларының құрамына қосылғысы келген деструктивті діни ағым өкілі сотталып кетті

Кінәні мойындау, жасалған іс жүргізу келісімін ескере отырып, қылмыскер 6 жылға бас бостандығынан айырылды.
ДАИШ содырларының құрамына қосылғысы келген деструктивті діни ағым өкілі сотталып кетті
Фото: Haqjoly.kz
Бөлісу
Бөлісу
Бөлісу

Атырауда ДАИШ содырларының құрамына қосылғысы келген деструктивті діни ағым өкілі 6 жылға сотталды, деп хабарлайды ҚазАқпарат.

Облыстық полиция департаменті баспасөз қызметінің мәіметінше, биылғы мамырда Экстремизмге қарсы күрес басқармасының қызметкерлері деструктивті діни ағымдардың бірінің 32 жастағы жақтаушысын ұстаған. Полицейлер оны синтетикалық есірткі сатқаны үшін қолға түсірген.

«Бірақ бұл оған тағылған жалғыз айып емес. Тергеу дерегіне сүйенсек, ер адам ДАИШ тобының содырларына қосылуды жоспарлап, бірнеше рет таныстарымен терроризмді насихаттаумен айналысқан», дейді облыстық полиция депаратменті басшысының орынбасары, полиция полковнигі Нұрхат Кенжебайұлы.

Оның айтуынша, сот психологиялық-филологиялық сараптамасының қорытындысына сәйкес, теріс діни ағым өкілінің мәлімдемелерінде қарулы жиһад түрінде терроризмді насихаттауға бағытталған белгілер болған. Сотқа дейінгі тергеу барысында ер адам кінәсін мойындап, іс жүргізу келісімін жасасуға ниет білдірген.

Кейіннен сот оны ҚР Қылмыстық Кодекстің екі бабымен (Есірткіні сақтағаны және сатқаны, сондай-ақ телекоммуникациялық желілерді пайдаланып, терроризмді насихаттағаны үшін) кінәлі деп тапты.

Кінәні мойындау, жасалған іс жүргізу келісімін ескере отырып, қылмыскер 6 жылға бас бостандығынан айырылды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар