Жаңалықтар 01.10.2020 сағат 15:40

«Мәйітті балконда сақтаған»: Рудныйда екі әйелді бауыздап өлтірген азамат өмір бойына бас бостандығынан айырылды

Ол жазасын қауіпсіздігі аса жоғары колонияда өтейді.
«Мәйітті балконда сақтаған»: Рудныйда екі әйелді бауыздап өлтірген азамат өмір бойына бас бостандығынан айырылды
Фото: tengrinews.kz
Бөлісу
Бөлісу
Бөлісу

Қостанай облысының қылмыстық істер жөніндегі мамандандырылған ауданаралық соты екі әйелді өлтірген рудныйлыққа қатысты үкім шығарды, - деп хабарлайды Tengrinews.kz "Наша Газета" порталына сілтеме жасап.

Сот күдіктіні кінәлі деп тауып, өмір бойына бас бостандығынан айырды. Ол жазасын қауіпсіздігі аса жоғары колонияда өтейді.

"Сотталушы үйленген. Оның кішкентай баласы бар. Соған қарамастан ол Рудныйда жас қызбен көздесіп жүрген. Ол қызбен байланысын жасыру үшін оны жалдамалы пәтерінде өлтірген. Ол қыздың мойнына пышақ сұғып алған. Қыз өлер алдында әжесіне өзінің мекенжайын SMS-пен жіберіп үлгерген. Оны білген күдікті қыздың әжесінің пәтеріне барған. Ер адам оны да мойнына пышақ сұғып өлтірген. Кейін денелерді бөлшектеп, сөмкеге салған. Оны пәтеріндегі балконда сақтаған. Кейін оны Тобыл өзеніне ағызып жібермек болған", - дейді судья Жанар Тілеубаева.

Судьяның айтуынша, ер адам бұл қылмысқа мұқият дайындалған.

Күдікті бұрын қасақана кісі өлтіргені үшін сотталғандықтан оған өмір бойына бас бостандығынан айыру жазасы тағайындалған. Сот отырысы барысында ер адам өз кінәсін мойындаған. Үкім әлі заңды күшіне енген жоқ.

Айта кетейік, жантүршілерлік қылмыс былтыр ақпанда болған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар