Жаңалықтар 14.10.2020 сағат 23:31

Атышулы экс-шенеунік көше сыпырып, қоқыс жинаудан құтылды

Ол туысының компаниясындағы мәселені шешіп бермек болған. Мемлекеттік кірістер департаментінің басшысынан заңды 200 миллион теңге салықты жасырып, оны 3 миллион теңгеге қысқартуды сұрапты.
Атышулы экс-шенеунік көше сыпырып, қоқыс жинаудан құтылды
фото: inbusiness.kz
Бөлісу
Бөлісу
Бөлісу

Павлодар облысының бұрынғы әкім, сотталған Болат Бақауов мәжбүрлі қоғамдық жұмыстан босатылды, деп хабарлайды Skifnews.kz ақпарат порталы, КТК арнасына сілтеме жасап.

 Бес ай бұрын мәжбүрлі қоғамдық жұмысқа тартылған Болат Бақауов енді одан босатылған. Өйткені жазаның бұл түрін сотталушылар ресми жұмыс орны болмаған жағдайда ғана өтейді.

"Сотталушы Павлодар қаласының пробация қызметінде есепте тұр. Заңға сәйкес, тұрақты жұмысы жоқ сотталушылар ғана мәжбүрлі еңбекке тартылады. Ал бұл азамат жұмысқа орналасқан", - деді Павлодар облыстық қылмыстық-атқару жүйесі департаментінің баспасөз хатшысы Гүлжан Әбдуғалиева

Болат Бақауов мамырда үш жарым жылға шартты түрде сотталған. Судья осы мерзім ішінде оның жыл сайын 100 сағатқа қоғамдық жұмысқа тартылатынын айтқан. Бірақ бір облысты басқарған Бақауов көше сыпыруды намыс көрді ме, тез арада жұмыс тауып алыпты.

 49 жастағы экс-шенеунік қызметін асыра пайдаланғаны үшін істі болды. Ол туысының компаниясындағы мәселені шешіп бермек болған. Мемлекеттік кірістер департаментінің басшысынан заңды 200 миллион теңге салықты жасырып, оны 3 миллион теңгеге қысқартуды сұрапты. Оның бұл өтініші орындалған.

 Бұрынғы шенеунік кінәсін мойындап, прокурормен процессуалдық келісімге келген болатын.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар