Жаңалықтар 15.10.2020 сағат 01:01

Қазғарыш пен Түрік ғарыш агенттігі меморандумға қол қойды

Түрік ғарыш агенттігі делегациясының мүшелері космонавтика тарихының қалалық мұражайына барып, ғарыш айлағының нысандарын аралады.
Қазғарыш пен Түрік ғарыш агенттігі меморандумға қол қойды
Бөлісу
Бөлісу
Бөлісу

Түрік ғарыш агенттігінің делегациясы 2020 жылғы 12-14 қазан аралығында Қазақстанға жұмыс сапарымен келді, деп хабарлайды Skifnews.kz ақпарат порталы.

ҚР Цифрлық даму, инновациялар және аэроғарыш өнеркәсібі министрі Бағдат Мусиннің Түрік ғарыш агенттігінің президенті Сердар Йылдырыммен кездесуі барысында елдердің ғарыш саласын дамыту және осы саладағы ынтымақтастық мәселелері талқыланды.

Түрік делегациясы Нұр-Сұлтан қаласындағы Ұлттық ғарыш орталығында болып, Жерді қашықтықтан зондтайтын қазақстандық спутниктердің жұмысымен танысты.

Жұмыс кездесуі Байқоңыр қаласында жалғасты. Түрік ғарыш агенттігі делегациясының мүшелері космонавтика тарихының қалалық мұражайына барып, ғарыш айлағының нысандарын аралап, «Союз МС-17» басқарылатын жүк кемесімен «Союз-2.1 а» тасымалдағыш-зымыранның ұшырылымын тамашалады.

Келіссөздер қорытындысы бойынша Қазғарыш пен Түрік ғарыш агенттігі ғарыш саласындағы екіжақты ынтымақтастыққа бағытталған өзара түсіністік туралы Меморандумға қол қойды.

Құжатқа қол қойылғанна кейін Түрік ғарыш агенттігінің президенті Сердар Йылдырым мен ҚР цифрлық даму, инновациялар және аэроғарыш өнеркәсібі министрлігі Аэроғарыш комитетінің төрағасы Баубек Оралмағамбетов: «Бұл құжат екі елдің ғарыш мекемелері мен кәсіпорындары арасындағы тәжірибелік ынтымақтастықты бастауға мүмкіндік береді», - деп атап өтті.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар