Жаңалықтар 18.10.2020 сағат 05:52

Жамбыл облысында карантин күшейтіледі

Той, мерекелік шара, конференция, форумдар өткізуге болмайды. Мал базарлары жабылады. Кісі өлгенде жерлеу рәсіміне 30 адамнан артық қатысуға рұқсат етілмейді.
Жамбыл облысында карантин күшейтіледі
Фото: tengrinews.kz
Бөлісу
Бөлісу
Бөлісу

Жамбыл облысында жаңа шектеу шаралары енгізіледі, деп хабарлайды Azattyq Rýhy.

Жамбыл облысының бас мемлекеттік санитары Салтанат Әлібаева қабылдаған жаңа қаулының талаптары 19 қазан сағат 00:00-ден бастап күшіне енеді.

Қаулыға сәйкес, мереке және демалыс күндері жабық азық-түлік базарларының, сауда орталықтарының және азық-түлік сатпайтын базарлардың жұмыс істеуіне тыйым салынады. Тек сауда орталығының ішіндегі супермаркет пен дәріхана ғана жұмыс істейді. Сонымен қатар, букмекер кеңселері, боулинг, компьютер клубтары, караоке, бильярд, кинотеатрлар, көңіл көтеру орындары, балалар аттракциондарының қызметіне шектеу бар.

Той, мерекелік шара, конференция, форумдар өткізуге болмайды. Мал базарлары жабылады. Кісі өлгенде жерлеу рәсіміне 30 адамнан артық қатысуға рұқсат етілмейді.

Жамбыл облысы тұрғындарының кешкі сағат 23:00 мен таңғы 06:00 аралығында жүріп-тұруына шектеу қойылады. Паркте, көшеде бір отбасы мүшелері болмаса, жалпы үш адамнан артық топтасып жүруге болмайды. Сондай-ақ, жасы 65-тен асқан кісілердің сыртқа шығуына шектеу қойылады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар