$ 449.58  486.94  4.86

Алматыда жарылыс болып, оншақты көлік өртеніп кетті (ВИДЕО)

Видеодағы көріністен отқа оранған ангарда өрт күшейіп, бір уақытта қатты дүму болғаны көрінеді.

Желіде Алматыдағы "KarCity" аймағында болған жарылысты куәгерлер түсірген видеосы пайда болды, деп хабарлайды zakon.kz.

Видеодағы көріністен отқа оранған ангарда өрт күшейіп, бір уақытта қатты дүму болғаны көрінеді.

- Жоғары температура мен қатты түтінге қарамастан өрт сөндірушілердің газды ауыздықтау звеносы ангардың ішіне кіріп, жалын ошағын анықтауға тырысты. Қабылданған шаралардан соң күрделілігіне қарамастан өрт 55 минуттың ішінде - 13 сағат 58 минутта сөндірілді деп хабарлады қалалық ТЖД.

Алматы қалалық Төтенше жағдайлар департаментінің баспасөз қызметі ұсынған видеода ангар ішінде түгі қалмай жанып кеткен көліктердің төбесі көрінеді . Алдын ала мәліметтер бойынша, 9 көлік жанып кеткен.

Өрт 27 қазан күні түстен кейін болды. Ангар типтегі көліктерге қызмет көрсету станциясы өртке оранған. Ішінде тез жарылатын сұйықтық бар ыдыс болған. Сондай-ақ, жарылысқа дейін өрт сөндірушілер ангардан 2 газ баллонын алып шыққан.

Қаланың төтенше жағдайлар бөлімінің хабарлауынша, зардап шеккендер жоқ.

Видеода бейәдеп сөздер барын ескертеміз!

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары