Пандемия кезінде қазақстандықтардың 80%-ы шетелге барудан бас тартқан

Саяхаттауға дағдыланған қазақстандықтардың тек 20%-ы пандемия кезінде шетелге баруға тәуекел етті. Қалған 80%-ы вирустың тарауына байланысты сапарларынан бас тартты. Бұл туралы Azattyq Rýhy «Туристік қамқор» корпоративтік қорына сілтеме жасап хабарлайды. 

Жоғары сұраныс пен ұшудың шектелуіне байланысты Қазақстаннан Мәскеуге бағытталған эконом-класс билеттері түгел жыл соңына дейін сатылып кеткен. Сатылымда тек бизнес-класс тарифтері қалған. 

Қазір отандық тасымалдаушы компаниялар Шарм-эль-Шейхке чартерлік рейстер жасайды және желтоқсан айында Мальдив аралдарына ұшуға рұқсат аламыз деп үміттеніп отыр. 

Айта кетейік, қазір қазақстандықтар арасында ең танымал бағыт – Түркия. Одан кейін Мысыр мен Біріккен Араб Әмірліктері тұр.