Қазгидромет 21 қарашаға арналған ауа райы болжамын ұсынады.
Қазақстан аумағының басым бөлігінің ауа райын әлі де антициклон анықтайды, жауын-шашынсыз ауа райы күтіледі.
Тек республиканың оңтүстігі мен оңтүстік-шығысында фронталды бөліктердің әсерінен қар жауады.
Республиканың кей жерлерінде тұман, желдің күшеюі, оңтүстігінде жаяу бұрқасын күтіледі.
Жамбыл, Түркістан, Шығыс Қазақстан, Солтүстік Қазақстан, Атырау облыстарының кей жерлерінде тұман, жел 15-20 м/с күшеюі күтіледі, Жамбыл, Түркістан облыстарында жаяу бұрқасынмен.
Маңғыстау облысының кей жерлерінде жел 17-22 м/с күшейеді. Алматы, Батыс Қазақстан, Павлодар, Қарағанды облыстарының кей жерлерінде тұман күтіледі.