Жаңалықтар 11.12.2020 сағат 15:00

Елбасы жастарға үндеу жасады

Ол жастар белсенділігі әрдайым саяси прогрестің қозғаушы күштерінің бірі болғанына назар аударды.
Елбасы жастарға үндеу жасады
Бөлісу
Бөлісу
Бөлісу

Өскелең ұрпақ қолда барды қадірлеуге, Отанымыздың әрі қарай өркендеуін ойластыруға, өз елін мақтаныш етуге тиіс, деді Нұрсұлтан Назарбаев Nur Otan партиясы Jas Otan жастар қанатының V съезінде.

"Мен бүгінгі таңда күллі қазақстандықтар мақтан тұтатын табыстарымызға жету қаншалықты қиын болғанын жақсы білемін. Жастар мүддесі әрдайым менің басты назарымда", – деді Nur Otan партиясының төрағасы.

Қазақстанның тұңғыш президенті егемендік жылдары елімізде нақты әрі тиімді әлеуметтік лифттер құрылғанын айтты.

"Менің бастамаммен ел үшін ең күрделі кезеңде іске қосылған "Болашақ" бағдарламасымен 15 мыңға жуық жас қазақстандық білім алды. Бес жыл бұрын Назарбаев Университеті студенттерінің алғашқы легі түлеп ұшты. Осы жылдардың ішінде оқу орнында бес мыңға жуық маман даярланды. Мемлекет іске қосқан әлеуметтік лифттердің арқасында мыңдаған жас қазақстандық табысқа жетті", – деді Нұрсұлтан Назарбаев.

Ол жастар белсенділігі әрдайым саяси прогрестің қозғаушы күштерінің бірі болғанына назар аударды.

"Қазіргі кезде жігерлі әрі бастамашыл болудың маңызы ерекше. Өйткені біз тез өзгеріп жатқан әлемде өмір сүріп отырмыз. Көпшілікке таныс өмір салты артта қалғаны сөзсіз. Технологиялар мүмкіндіктеріміздің әлеуетін айтарлықтай арттыруда", – деді Нұрсұлтан Назарбаев.

Нұрсұлтан Назарбаев Nur Otan партиясы Jas Otan жастар қанатының V съезінде

Елбасы елді дамыту және Қазақстанның тәуелсіздігін нығайту ісіне жастардың белсене атсалысуының маңызын атап өтті.

"Ел ертеңі мен ұлт тағдыры жастарға тікелей байланысты. Қазіргі ұрпақ заман талабына сай дамып отыруы керек. Бүгін айтылғандардың бәрін менің өсиетім деп түсініңдер", – деді Қазақстанның тұңғыш президенті.

Елбасы жастар қанатының мүшелерін Jas Otan-ның 20 жылдық мерейтойымен және келе жатқан Тәуелсіздік күні мерекесімен құттықтады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар