Жаңалықтар 11.12.2020 сағат 17:00

Лауазымды қызметтерді атқарған Руслан Әзімов қайтыс болды

1997 жылы желтоқсанда Әзімов ауыл шаруашылығы бірінші вице-министрі болып тағайындалды.
Лауазымды қызметтерді атқарған Руслан Әзімов қайтыс болды
фото: inbusiness.kz
Бөлісу
Бөлісу
Бөлісу

Қазақстанның бұрынғы ауыл шаруашылығы вице-министрі Руслан Әзімов 69 жасында қайтыс болды. Бұл туралы ұлттық киноны қолдау мемлекеттік орталығы мәлімдеді, деп хабарлайды Stan.kz.

"Режиссер және продюсер, Қазақстанның еңбек сіңірген қайраткері Сергей Әзімовтың үлкен ағасы Руслан 69 жасында қайтыс болды. Руслан Жұмабайұлы Әзімов белгілі журналист және жазушы Жұмабай Әзімовтың отбасында дүниеге келді. Ол Алматыдағы ауылшаруашылық институтының түлегі, Уильямс атындағы Мәскеу ғылыми-зерттеу институтының аспиранты, ғылым кандидаты", - делінген хабарламада.

Руслан Әзімов республикадағы алғашқы «Агро» мемлекеттік-кооперативтік бірлестігін құрды. Өзі құрған Халықаралық Қазақстан агроөнеркәсіптік биржасының президенті болды.

1997 жылы желтоқсанда Әзімов ауыл шаруашылығы бірінші вице-министрі болып тағайындалды. Содан кейін ол ауыл шаруашылығы министрінің міндетін атқарушы, Ақмола облысы әкімінің орынбасары, Мемлекеттік сатып алу агенттігінің төрағасы болды. 

"Қазақстанның астық одағы" және "Қазақстанның астық пулы" ЖШС директорлар кеңесінің төрағасы, Республикалық астық экспорттаушылар қауымдастығының президенті, президент жанындағы жоғары экономикалық кеңестің мүшесі және азық-түлік келісім шарт корпорациясы кеңесінің төрағасы қызметтерін атқарған. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар