20 желтоқсанға арналған ауа райы болжамы

20 желтоқсанда елдің басым бөлігінде қар жауады, деп хабарлайды ҚазАқпарат «Қазгидромет» РМК баспасөз қызметіне сілтеме жасап.

Түнде Қазақстан аумағының орталық және шығыс бөлігіне циклон ықпал етеді.

Салдарынан кей жерлерде қар жауады, оңтүстікте – жауын-шашын, түнде қатты жауын-шашын (жаңбыр, қар) болады.

Күндіз циклон солтүстік-шығысқа қарай жылжып, елдің басым бөлігіне Солтүстік-батыс антициклоны әсер ете бастайды.

Осыған байланысты батыс аудандарда жауын-шашын жаумайды.

Республиканың кей жерлерінде тұман түсіп, жел күшейеді, жаяу бұрқасын көтеріліп, көктайғақ болады.

Жамбыл облысының кей жерлерінде тұман түседі, көктайғақ болып, боран соғады. Желдің күші - 15-20 м/с, түнде және таңертең - 23-28 м/с.

Алматы облысының кей жерлерінде тұман түседі, түнде Жалаңашкөл ауданында жел қарқыны 18-23 м/с дейін күшейеді. Күндіз кей жерлерде көктайғақ болады.

Ақмола, Қарағанды облыстарының кей жерлерінде жаяу бұрқасын соғып, тұман түседі. Жел екпіні 15-20 м/с дейін күшейеді.

Павлодар, түнде Солтүстік Қазақстан, Қостанай облыстарының кей жерлерінде жаяу бұрқасын соғады, жел жылдамдығы 15-20 м/с жетеді.

Шығыс Қазақстан облысының кей жерлерінде бұрқасын соғады, тұман түседі. Жел қарқыны - 15-20 м/с, Жарма ауданында - 23 м/с.

Түркістан, Маңғыстау, Атырау облыстарының кей жерлерінде тұман түсіп, көктайғақ болады. Түркістан облысында желдің күші -15-20 м/с.

Қызылорда облысының кей жерлерінде көктайғақ, түнде және таңертең жел екпіні 15-20 м/с жетеді.

Батыс Қазақстан облысының кей жерлерінде тұман түседі.