Бүгін Нұр-Сұлтанда бірінші ауысымдағы оқушылар қашықтан оқиды

Елордада қатты аязға байланысты қала мектептерінде кезекші топта білім алатын оқушылар қашықтан оқуға көшірілді, деп хабарлайды ҚазАқпарат.

 «21 желтоқсан күні ауа райының қолайсыздығына байланысты қала мектептерінің бірінші ауысымындағы 0-4 сынып оқушылары үшін сабақ қашықтан оқыту форматына ауысады», - делінген Нұр-Сұлтан қалалық Білім басқармасының ақпаратында. 

Осы уақытта елордада температура бағамы -26 градус аязды көрсетіп тұр.